“Авлигатай тэмцэх тогтолцоог бэхжүүлэх” төсөл хэрэгжинэ » Сайхан сум дахь Сум дундын шҮҮх
Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
18-09-2019, 01:24   Хэсэг: Мэдээлэл   Сэтгэгдэл: 0  

“Авлигатай тэмцэх тогтолцоог бэхжүүлэх” төсөл хэрэгжинэ


Шүүхийн ерөнхий зөвлөлийн дарга Н.Лүндэндорж Азийн хөгжлийн банкны Монгол Улс дахь суурин төлөөлөгчийн орлогч ноён Деклан Магий тэргүүтэй төлөөлөгчдийг 2019 оны 09 дүгээр сарын 17-ны өдөр хүлээн авч уулзлаа.


Уулзалтаар ноён Деклан Магий Азийн хөгжлийн банкны санхүүжилтээр хэрэгжих "Авлигатай тэмцэх тогтолцоог бэхжүүлэх нь төсөл”-ийн талаар дэлгэрэнгүй танилцуулав.

Уг төсөл 2021 он хүртэл хэрэгжих бөгөөд Авлигатай тэмцэх газар, Улсын ерөнхий прокурорын газар болон Шүүхийн ерөнхий зөвлөлтэй хамтран авлигын хэргийг мэдээлэх, мөрдөн байцаах, яллах, шүүн таслах ажиллагаанд учир шалтгааны үнэлгээ хийх, АТГ-ын мөрдөгч, УЕПГ-ын прокурор, шүүгч нарын чадавхыг дээшлүүлэх болон авлигатай холбоотой мэдээлэх тогтолцоо, гарын авлага, хууль, журамд өөрчлөлт оруулах зөвлөмжийг боловсруулж ажиллах юм.

ШЕЗ-ийн дарга Н.Лүндэндорж төслийн ач холбогдлын чухлыг онцлон тэмдэглээд амжилттай хэрэгжүүлэхэд идэвхтэй дэмжиж хамтран ажиллахаа илэрхийлэв. 


Уулзалтад Шүүхийн ерөнхий зөвлөлийн Захиргааны удирдлага, бодлого зохицуулалтын газрын дарга Ж.Сайнхишиг, Шүүхийн хамтын ажиллагаа, олон нийттэй харилцах газрын дарга Б.Биндэръяа, референт С.Гандолгор, Авлигатай тэмцэх газрын Судалгаа, шинжилгээний албаны дарга, ахлах комиссар Ц.Шинэбаяр, Азийн сангийн Засаглал хариуцсан хөтөлбөрийн менежер А.Баянмөнх болон Азийн хөгжлийн банкны холбогдох ажилтнууд байлцав.

Шүүхийн хамтын ажиллагаа, олон нийттэй харилцах газар

Нийтэлсэн admin   Үзсэн: 13   |   Сэтгэгдэл: 0
Хэвлэх
Төсөөтэй мэдээлэл:
Шүүхийн шийдвэрийн цахим сан

Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Аравдугаар сар 2019    »
ДаМяЛхаПүБаБямНям
 123456
78910111213
14151617181920
21222324252627
28293031