Эрүүгийн эрх зүйн сургагч багшийг чадавхжуулах сургалт эхэллээ » Сайхан сум дахь Сум дундын шҮҮх
Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
20-09-2019, 00:28   Хэсэг: Мэдээлэл   Сэтгэгдэл: 0  

Эрүүгийн эрх зүйн сургагч багшийг чадавхжуулах сургалт эхэллээ


Шүүхийн ерөнхий зөвлөл "Эрүүгийн эрх зүйн сургалтын сургагч багшийг чадавхжуулах сургалт”-ыг Ханнс зайдел сангийн Эрх зүйн боловсрол академитай хамтран зохион байгуулж байгаа сургалт өчигдөр тус академийн байранд эхэллээ.

 

Сургалтыг Ханнс зайдел сангийн Эрх зүйн боловсрол академийн захирал А.Энхтуяа нээж Шүүхийн ерөнхий зөвлөлийн саналын дагуу эрүүгийн эрх зүйн сургагч багшийг чадавхжуулах сургалтад тухайн чиглэлээр мэргэшсэн шүүгч багшийг урьж, 3 өдрийн сургалтыг явуулах болсондоо талархалтай байгаагаа илэрхийлсэн юм.

 Эрүүгийн эрх зүйн сургагч багшийг чадавхжуулах сургалт эхэллээ 

Энэ удаа ХБНГУ-ын Бавари муж улсын Бамберг хот дахь муж улсын Дээд шүүхийн дэд ерөнхийлөгч Андреас Цвергерийг урьж, сургагч багш нарын эрэлт хэрэгцээнд зориулсан агуулгыг хүргэхээр болсон нь эрүүгийн эрх зүйн сургагч багш нарыг чадавхжуулахад ихээхэн хувь нэмэр оруулна гэдэгт итгэж байгаагаа илэрхийллээ.

 

Шүүхийн хамтын ажиллагаа, олон нийттэй харилцах газрын дарга Б.Биндэръяа сургалтыг нээж хэлсэн үгэндээ Эрүүгийн эрх зүйн сургагч багшийг чадавхжуулах сургалтыг мэргэшсэн гадаадын экспертээр удирдан явуулах саналыг хүлээн авсан Ханнс зайдел сангийн Эрх зүйн боловсрол академи болон сургагч багш Андреас Цвергерт, Шүүхийн ерөнхий зөвлөлийн болон нийт сургагч багш нарын нэрийн өмнөөс талархал илэрхийлж, энэ удаагийн сургалтын сэдэв, ач холбогдол, Шүүхийн сургалтын үндсэн хөтөлбөр болон энэ жил явагдах эрүүгийн эрх зүйн сургалтын бэлтгэл ажлыг хангах талаар мэдээлэл өгөв.

Эрүүгийн эрх зүйн сургагч багшийг чадавхжуулах сургалт эхэллээ

Эрүүгийн эрх зүйн сургагч багшийг чадавхжуулах сургалт эхэллээ

Энэ удаагийн сургалтаар сургалтын хөтөлбөр, төлөвлөлт хийх арга зүй, ХБНГУ-ын Эрүүгийн хуульд давтан гэмт хэргийн зүйлчлэл, гэмт хэргийг байнга үйлдэж амьдралын эх үүсвэр болгох нь, Хөөн хэлэлцэх хугацаа, хялбаршуулсан журмаар хэрэг хянан шийдвэрлэх ажиллагаа, ял тохиролцох журам, гэм буруугийн холимог хэлбэр, зохион байгуулалттай гэмт хэрэг, ялын аргачлал, гэм буруугаа хүлээн зөвшөөрсөн хүнд оногдуулах хорих ялыг хөнгөрүүлэх, хорих ялаас чөлөөлөх, албадлагын арга хэмжээ хэрэглэх, албан тушаал, мөнгө угаах, эрүү шүүлт тулгах, үндэслэлгүйгээр хөрөнгөжих, хүнд гэмтлийн улмаас хүн нас барах гэмт хэргүүдийн талаарх ХБНГУ-ын туршлага зэрэг сэдвүүдээр мэдээлэл өгч, сургагч багшийг чадавхжуулах юм.

Сургалтад эрүүгийн эрх зүйн 12 сургагч багш оролцож байгаа бөгөөд сургалт 09 дүгээр сарын 20-ны өдрийг хүртэл үргэлжилнэ.


 

 

 

ШҮҮХИЙН СУДАЛГАА, МЭДЭЭЛЭЛ, СУРГАЛТЫН ХҮРЭЭЛЭН

Нийтэлсэн admin   Үзсэн: 15   |   Сэтгэгдэл: 0
Хэвлэх
Төсөөтэй мэдээлэл:
Шүүхийн шийдвэрийн цахим сан

Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Аравдугаар сар 2019    »
ДаМяЛхаПүБаБямНям
 123456
78910111213
14151617181920
21222324252627
28293031