БНХАУ-ын цахим шүүхийн туршлагаас суралцах талаар санал солилцов » Сайхан сум дахь Сум дундын шҮҮх
Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
21-10-2019, 08:57   Хэсэг: Мэдээлэл   Сэтгэгдэл: 0  

БНХАУ-ын цахим шүүхийн туршлагаас суралцах талаар санал солилцов

БНХАУ-ын Ардын дээд шүүхийн доод танхимын ерөнхийлөгч, дунд танхимын их шүүгч, ноён Ху Юун Тэнг Монгол Улсын Шүүхийн ерөнхий зөвлөлийн гишүүн Э.Батбаярыг 2019 оны 10 дугаар сарын 15-ны өдөр хүлээн авч уулзлаа. Ардын дээд шүүхийн байранд болсон уулзалтын үеэр хоёр орны шүүхийн байгууллагын хамтын ажиллагааны талаар санал солилцон ярилцсан юм.

БНХАУ-ын цахим шүүхийн туршлагаас суралцах талаар санал солилцов

Ноён Ху Юун Тэнг хоёр орны шүүхийн байгууллагуудын харилцаа жил ирэх тусам улам гүнзгийрч, Монгол Улсын шүүхийн шүүгч, захиргааны ажилтны чадавхыг дээшлүүлэх, Хятадын шүүхийн шинэтгэл, ололт амжилттай танилцах, харилцан туршлага солилцох чиглэлээр идэвхтэй ажиллаж байгаад сэтгэл хангалуун байгаагаа илэрхийллээ. Хоёр улс бүх талын стратегийн харилцааг хөгжүүлж, үүнийг бататган хоёр улсын төрийн тэргүүн нар харилцан айлчлал хийж салбар, салбарын хамтын ажиллагааг идэвхтэй дэмжиж байгааг тэрбээр онцлон тэмдэглэв.

Шүүхийн ерөнхий зөвлөлийн гишүүн Э.Батбаяр хоёр орны шүүхийн байгууллагууд хоорондын хамтын ажиллагаа 2007 оноос өргөжин хөгжиж, харилцан өндөр хэмжээний айлчлалыг зохион байгуулсныг онцлоод Монголын шүүгч, шүүхийн захиргааны ажилтнуудад зориулсан хамтарсан сургалтын хөтөлбөрийг хэрэгжүүлж ирсэнд талархал илэрхийллээ. 

Талууд цаашид хамтарсан сургалтын агуулгыг сайжруулах, Хятадын цахим шүүхийн туршлагаас суралцах чиглэлээр идэвх санаачилгатай ажиллах талаар санал солилцсон юм.

БНХАУ-ын цахим шүүхийн туршлагаас суралцах талаар санал солилцов 

 

Уулзалтад Шүүхийн ерөнхий зөвлөлийн Гүйцэтгэх нарийн бичгийн дарга О.Амгаланбаатар, Шүүхийн хамтын ажиллагаа, олон нийттэй харилцах газрын дарга Б.Биндэръяа болон БНХАУ-ын шүүхийн үйл ажиллагаатай танилцах 10 дахь удаагийн сургалтад хамрагдаж буй бүх шатны шүүхийн 21 шүүгч, шүүхийн захиргааны найман ажилтан байлцав.

 

ШҮҮХИЙН ХАМТЫН АЖИЛЛАГАА, ОЛОН НИЙТТЭЙ ХАРИЛЦАХ ГАЗАР

Нийтэлсэн admin   Үзсэн: 16   |   Сэтгэгдэл: 0
Хэвлэх
Төсөөтэй мэдээлэл:
Шүүхийн шийдвэрийн цахим сан

Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Арваннэгдүгээр сар 2019    »
ДаМяЛхаПүБаБямНям
 123
45678910
11121314151617
18192021222324
252627282930