Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/

29-10-2019, 06:36 Хэсэг: Мэдээлэл Сэтгэгдэл: 0

"Хэргийн хөдөлгөөний удирдлага мэдээллийн төв”-тэй танилцлаа

Сэлэнгэ аймгийн Сайхан сум дахь Сум дундын шүүхийн шүүгч, захиргааны ажилтнууд 2019 оны 10 дугаар сарын 24, 25-ны өдрүүдэд Төрийн Тусгай Албан хаагчдын нэгдсэн эмнэлэгт эрүүл мэндийн урдчлан сэргийлэх үзлэг шинжилгээнд хамрагдлаа, "Хэргийн хөдөлгөөний удирдлага мэдээллийн төв”-ийн үйл ажиллагаатай танилцлаа.

Энэ үеэр Хэргийн хөдөлгөөний удирдлагын референт Ц.Амарсанаа, Эрүү, иргэн, захиргааны хэргийн бүх шатны шүүхийн хэргийн хөдөлгөөний мэдээллийг цогц байдлаар мэдээлэх, мониторинг хийх, хэрэг хянан шийдвэрлэх ажиллагааны хураангуй болон дэлгэрэнгүй мэдээллээр шүүх болон олон нийтийг хангах ажлын талаар танилцуулж, мэдээлэл өглөө.