Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
17-12-2019, 08:38   Хэсэг: Мэдээлэл   Сэтгэгдэл: 0  

Шүүгчийг мэргэшүүлэх, ирээдүйд дагнасан шүүхтэй болохыг түншлэгч байгууллагууд дэмжив


Шүүхийн ерөнхий зөвлөлтэй хамтран ажилладаг түншлэгч байгууллагуудын уулзалт өчигдөр (2019.12.16) боллоо.

Холбооны Бүгд Найрамдах Герман Улс, Америкийн Нэгдсэн Улс, Их Британи, Умард Ирландын Нэгдсэн Хаант Улс, Канад Улс, Бүгд Найрамдах Турк Улсаас Монгол Улсад суугаа Элчин сайдын яам, Европын холбооноос Монгол Улсад суугаа төлөөлөгчийн газар болон манай улсад төсөл хөтөлбөр хэрэгжүүлэгч олон улсын байгууллагуудын төлөөлөгчид шүүгчдийг гэр бүлийн маргаанаар мэргэшүүлэх, ирээдүйд энэ төрлийн маргааныг дагнан шийдвэрлэх шүүх байгуулах боломжийн талаар санал солилцож, хамтран ажиллах боломжийн талаар ярилцсан юм.

Шүүгчийг мэргэшүүлэх, ирээдүйд дагнасан шүүхтэй болохыг түншлэгч байгууллагууд дэмжив

Шүүхээр сүүлийн арван жилд шийдвэрлэсэн иргэний хэргийн 14 хувийг гэр бүлийн маргаан эзэлсэн бөгөөд 2018 оны статистик судалгаагаар 5 гэр бүл тутмын 1 нь гэрлэлтээ цуцлуулжээ. Гэр бүл, хүүхдийн эрх ашгийг хамгаалахад шүүх эрх мэдлээс гадна хууль тогтоох, гүйцэтгэх, хууль сахиулах байгууллагууд болон түншлэгч байгууллагуудын хамтын ажиллагаа чухал гэдгийг уулзалтад оролцогчид онцоллоо. Гэр бүлийн маргааныг дагнан шийдвэрлэх шүүгчдийг мэргэшүүлэх, дагнасан шүүх байгуулах эрх зүйн орчин бүрдүүлэхэд техникийн тусламж үзүүлэх, хуулийн хэрэгжилтэд үнэлгээ хийх чиглэлээр түншлэгч байгууллагуудтай хамтран ажиллах саналтай байгаагаа Шүүхийн ерөнхий зөвлөлийн дарга Э.Батбаяр хэлсэн үгэндээ тэмдэглэв.

Гэр бүлийн тогтворгүй байдал нь хүүхдийн эрх ашгийг хөндөж, тэднийг гэмт хэрэг үйлдэх, хохирогч болох болон улс орны эдийн засгийн өсөлтийг сааруулах хүчин зүйл болж байгаа учраас бодлогын түвшинд анхаарах зайлшгүй шаардлагатайг Шүүхийн ерөнхий зөвлөлийн Шүүхийн захиргааны удирдлага, бодлого зохицуулалтын газрын дарга Ж.Сайнхишиг илтгэлдээ дурдлаа. Эвлэрүүлэн зуучлалын шатанд гэр бүл цуцлах маргааны 13.9 хувь, шүүхийн шатанд 5.7 хувийг эвлэрүүлж байгаа нь хангалтгүй үр дүн. Гэр бүлийн маргаан талуудын сэтгэл хөдлөлийн зөрчилтэй холбогддог. Гэтэл эрх зүйн орчин, маргаан шийдвэрлэх үйл явц энэ онцлогийг бүрэн тусгаж чадахгүй, мэргэшсэн шинжээчийн хүний нөөц бүрдээгүй, шүүхийн ачаалал их зэрэг тулгамдаж буй асуудал байгааг тэрбээр илтгэлдээ онцлов.

Шүүгчийг мэргэшүүлэх, ирээдүйд дагнасан шүүхтэй болохыг түншлэгч байгууллагууд дэмжив

Судалгаагаар ч дээрх асуудлууд гэр бүлийн маргааныг шийдвэрлэхэд хүндрэл учруулж байгаа дүн гарсан бөгөөд дагнасан шүүх байгуулах боломжийг судлах, эрх зүйн орчноо өөрчлөх шаардлагатай бөгөөд сэтгэл зүйч, шинжээч, эмч зэрэг хөндлөнгийн мэргэжилтнүүдийн оролцоог хангах зөвлөмж гаргасан талаар Шүүхийн судалгаа мэдээлэл, сургалтын хүрээлэнгийн захирал Ц.Мандах мэдээлсэн юм. Үүнийг дагаад хүүхдийн тэтгэмж тооцох аргачлалаа өөрчлөх, сэтгэл санааны гэм хохирлыг барагдуулах боломжийг бүрдүүлэх талаар судалгааны зөвлөмж гарчээ.

Олон улсын хөгжлийн эрх зүйн байгууллага (IDLO)-ын суурин төлөөлөгч Тара Нийл гэр бүлийн маргааныг дагнан шийдвэрлэх шүүх зайлшгүй шаардлагатай бөгөөд эхний ээлжинд шүүгчдийг мэргэшүүлэх, хүүхдийн эрхийг хамгаалахад төрийн байгууллагууд хамтран ажиллахын ач холбогдлыг онцлов.

Шүүгчийг мэргэшүүлэх, ирээдүйд дагнасан шүүхтэй болохыг түншлэгч байгууллагууд дэмжив

Монгол Улс дахь НҮБ-ын Суурин зохицуулагч Тапан Мишра "Эмэгтэйчүүдийн эсрэг гэмт хэрэг, гэр бүлийн хүчирхийллээс ангид байхын тулд шүүх, хуулийн байгууллагуудыг чадавхжуулах, энэ төрлийн маргааныг дагнаж шийдэх боломж бүрдүүлэх шаардлагатай” гээд шүүгчдийг мэргэшүүлэх, туршлага судлуулах зэрэгт хамтран ажиллах боломжтойгоо илэрхийллээ. Монгол Улсад суугаа Элчин сайдын яамд, олон улсын байгууллагын төлөөлөгчид ч ийм санал гаргаж, хэрхэн хамтран ажиллах төлөвлөгөө боловсруулахын тулд дахин уулзах талаар тохиролцов.

Уг уулзалтыг Шүүхийн ерөнхий зөвлөл Олон улсын хөгжлийн эрх зүйн байгууллага (IDLO)-тай хамтран зохион байгуулсан бөгөөд Монгол Улс дахь НҮБ-ын Суурин зохицуулагчийн газар, НҮБ-ын Хөгжлийн хөтөлбөрийн Монгол Улс дахь Суурин төлөөлөгчийн газар, НҮБ-ын Хүн амын сангийн Монгол Улс дахь Суурин төлөөлөгчийн газар, Дэлхийн банкны Монгол дахь суурин төлөөлөгчийн газар, ХБНГУ-ын Германы олон улсын хамтын ажиллагааны нийгэмлэг, Ханнс-Зайделийнсан, Азийн сан, Япон улсын ЖАЙКА олон улсын байгууллага, БНТУ-ын Туркийн хамтын ажиллагаа зохицуулах агентлагийн Монгол дахь хөтөлбөр зохицуулалтын газар нар оролцов.


Шүүхийн хэвлэл мэдээллийн хэлтэс
Нийтэлсэн admin   Үзсэн: 363   |   Сэтгэгдэл: 0
Хэвлэх
Төсөөтэй мэдээлэл:
Мэдээлэл хайх булан
Иргэн таньд

21 өдөр 6 цаг 20 минут 22 секундын хугацаа үлдсэн байна

Авлигын талаарх гомдол мэдээлэл өгөх
Шүүхийн ёс зүйн хороо
Шүүхэд мэдүүлэх эрх
Подкаст
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 

Шүүхэд мэдүүлэх эрх

3.1.Монгол Улсын хууль, Монгол Улсын нэгдэн орсон олон улсын гэрээнд заасан хүний эрх, эрх чөлөө, хууль ёсны ашиг сонирхлоо зөрчигдсөн гэж үзэж байгаа аливаа этгээд уг эрхээ хамгаалуулахаар энэ хуульд заасан журмын дагуу шүүхэд нэхэмжлэл, хүсэлт, гомдол гаргах хэлбэрээр мэдүүлэх эрхтэй.

3.2.Энэ хуулийн 3.1-д заасан эрхийг хамгаалах талаархи нэхэмжлэл, хүсэлт, гомдлыг шүүхээс гадуур урьдчилан шийдвэрлэх өөр журмыг хуулиар тогтоож болно.

3.3.Хуулиар харьяаллыг нь тогтоогоогүй эрх зүйн маргааныг энэ хуульд заасан журмын дагуу шүүх хянан шийдвэрлэнэ.

Видео
 
  Шүүхүүд
  • Шүүхийн ерөнхий зөвлөл
  • Улсын дээд шүүхийн Тамгын газар
  • Нийслэлийн давж заалдах шатны шүүхийн Тамгын газар
  • Захиргааны хэргийн давж заалдах шатны шүүхийн Тамгын газар
  • Баянзүрх дүүргийн Иргэний хэргийн анхан шатны шүүхийн Тамгын газар
  • Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн Тамгын газар
  • Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхийн Тамгын газар
  • Баянгол, Хан-Уул дүүргийн Иргэний хэргийн анхан шатны шүүхийн Тамгын газар
  • Багахангай, Налайх дүүргийн шүүхийн Тамгын газар
  • Багануур дүүргийн шүүхийн Тамгын газар
  • Сүхбаатар, Чингэлтэй дүүргийн Иргэний хэргийн анхан шатны шүүхийн Тамгын газар
  • Сонгинохайрхан дүүргийн Иргэний хэргийн анхан шатны шүүхийн Тамгын газар
  • Нийслэл дэх Захиргааны хэргийн анхан шатны шүүхийн Тамгын газар
  • Архангай аймаг дахь шүүхийн Тамгын газар
  • Баян-Өлгий аймаг дахь шүүхийн Тамгын газар
  • Баянхонгор аймаг дахь шүүхийн Тамгын газар
  • Булган аймаг дахь шүүхийн Тамгын газар
  • Говь-Алтай аймаг дахь шүүхийн Тамгын газар
  • Говьсүмбэр аймаг дахь шүүхийн Тамгын газар
  • Дархан-Уул аймаг дахь давж заалдах шатны болон Захиргааны хэргийн анхан шатны шүүхийн Тамгын газар
  • Дархан-Уул аймаг дахь сум дундын шүүхийн Тамгын газар
  • Дорнод аймаг дахь шүүхийн Тамгын газар
  • Дорноговь аймаг дахь шүүхийн Тамгын газар
  • Дорноговь аймгийн Замын-Үүд сум дахь Сум дундын шүүхийн Тамгын газар
  • Дундговь аймаг дахь шүүхийн Тамгын газар
  • Завхан аймаг дахь шүүхийн Тамгын газар
  • Завхан аймгийн Тосонцэнгэл сум дахь Сум дундын шүүхийн Тамгын газар
  • Орхон аймаг дахь шүүхийн Тамгын газар
  • Өвөрхангай аймаг дахь шүүхийн Тамгын газар
  • Өвөрхангай аймгийн Хархорин сум дахь Сум дундын шүүхийн Тамгын газар
  •  
      |