“ШҮҮХ ХУРАЛДААН УДИРДАХ УР ЧАДВАР-I” СУРГАЛТ ЗОХИОН БАЙГУУЛЛАА » Сайхан сум дахь Сум дундын шҮҮх
Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
22-05-2020, 08:46   Хэсэг: Мэдээлэл   Сэтгэгдэл: 0  

“ШҮҮХ ХУРАЛДААН УДИРДАХ УР ЧАДВАР-I” СУРГАЛТ ЗОХИОН БАЙГУУЛЛАА

 

Шүүхийн ерөнхий зөвлөлөөс 2020 оны 05 дугаар сарын 20-ны өдөр "Шүүх хуралдаан удирдах ур чадвар- I” сургалтыг зохион байгуулав.

Шүүгчийн шүүх хуралдааныг үр нөлөөтэй удирдах онол арга зүйн болон практик мэдлэг, чадварыг дээшлүүлэх, сайн туршлагаа харилцан солилцох замаар шүүх хуралдааныг удирдах шүүгчийн арга барил, чадварт үнэлгээ өгөх, цаашид анхаарах асуудлыг тодорхойлох зорилго бүхий тус  сургалтад нийслэл болон орон нутаг дахь анхан шатны шүүхийн шүүгчид хамрагдлаа.

Сургалтын эхэнд Шүүхийн хүний нөөцийн газрын дарга Ш.Отгонцэцэг Монгол улсад шинэ шүүгчийг бэлтгэх сургалтын хэрэгцээ шаардлагыг олон улсын шинжээчдийн судалгаанд онцолсныг дурдаад "Шүүхийн сургалтын үндсэн хөтөлбөр”-ийн дагуу анх удаа зохион байгуулж байгаа шүүгчийн шүүн таслах чиг үүргээ үр нөлөөтэй хэрэгжүүлэх мэдлэг, дадлага, ур чадварыг олгох тус сургалт сургалтын ач холбогдол, анхаарах асуудал, цаашид чанаржуулан сайжруулах арга хэлбэрийн талаарх бодит үнэлгээгээ харамгүй илэрхийлэхийг шүүгчдээс хүссэн юм.

 

Шүүх хуралдаан удирдах ур чадвар-I сургалтын хөтөлбөр нь Шүүхийн ерөнхий зөвлөлийн  даргын 2019 оны  71 дүгээр тушаалаар батлагдсан бөгөөд  эрүү, иргэний хэргийн дагнасан чиглэлээр зохион байгуулж байгаа юм.

 

 

Сургалтыг ахмад шүүгч М.Наранцэцэг "Шүүх хуралдаан удирдах үндсэн ойлголт” сэдвийн хүрээнд Шүүх хуралдааны үндсэн зарчим, нийтлэг журам, онцлог, Шүүх хуралдааны бэлтгэлийг хангах, Шүүх хуралдааны танхимын зохион байгуулалт, Шүүх хуралдааны танхимд эерэг уур амьсгал бүрдүүлэх нь, Шүүхийн аюулгүй байдал, Шүүх хуралдааны даргалагчийн үүрэг, хариуцлага, шүүх хуралдаанд мэтгэлцэх зарчмыг хэрэгжүүлэх нь, Шүүх хуралдаан удирдахад анхаарах сэтгэл зүйн онцлог,   Шүүх хуралдааны явцад шүүгчийн гаргадаг нийтлэг алдаа, дутагдал, түүнээс урьдчилан сэргийлэх нь” Шүүх хуралдаанд хэргийн оролцогчидтой харилцах харилцаа хандлага сэдвийн хүрээнд "Шүүх хуралдаанд оролцогч, тэдгээрийн зан төлөв, онцлог, Шүүх хуралдаанд оролцогчийн сэтгэл зүйн байдлыг танин мэдэх нь, Шүүх хуралдааны танхимд хэргийн оролцогчидтой харилцах нь,  Шүүгчийн харилцааны элемент: Үгэн ба үгэн бус харилцаа, идэвхтэй сонсох чадвар” сэдвүүдээр  тус тус удирдан явууллаа. 

Сургалтын төгсгөлд оролцогчид загварчилсан шүүх хуралдаан удирдаж, тодорхой тохиолдол дээр дүрд тоглож, дүн шинжилгээ хийж, шүүх хуралдаан удирдах сайн туршлагаа хуваалцав.

 

 

Сургалтад оролцсон шүүгчид хуульчийн үргэлжилсэн сургалтын 1 багц цаг хангах юм.

Шүүх хуралдаан удирдах ур чадвар-I сургалтын хоёрдугаар ээлж маргааш буюу 2020 оны 05 дугаар сарын 21-ний өдөр эрүүгийн чиглэлээр зохион байгуулагдана. 

 

 

 

                      ШҮҮХИЙН ХҮНИЙ НӨӨЦИЙН ГАЗАР

Нийтэлсэн admin   Үзсэн: 11   |   Сэтгэгдэл: 0
Хэвлэх
Төсөөтэй мэдээлэл:
Шүүхийн шийдвэрийн цахим сан

Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Зургаадугаар сар 2020    »
ДаМяЛхаПүБаБямНям
1234567
891011121314
15161718192021
22232425262728
2930