ШҮҮХИЙН ЕРӨНХИЙ ЗӨВЛӨЛИЙН 2022 ОНЫ ТӨСӨВ 81.0 ТЭРБУМ ТӨГРӨГӨӨР БАТЛАГДЛАА » Сайхан сум дахь Сум дундын шҮҮх
Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/

ШҮҮХИЙН ЕРӨНХИЙ ЗӨВЛӨЛИЙН 2022 ОНЫ ТӨСӨВ 81.0 ТЭРБУМ ТӨГРӨГӨӨР БАТЛАГДЛАА


       Монгол Улсын Их хурлын 2021 оны 11 дүгээр сарын 12-ны өдрийн чуулганы нэгдсэн хуралдаанаар Монгол Улсын 2022 оны төсвийн тухай, Нийгмийн даатгалын сангийн 2022 оны төсвийн тухай, Эрүүл мэндийн даатгалын сангийн 2022 оны төсвийн тухай, Ирээдүйн өв сангийн 2022 оны төсвийн хуулийн төслүүдийг хэлэлцэн баталлаа.

 

        Шүүхийн төсөв 2021 онд 61.1 тэрбум төгрөгөөр буюу 2019 онтой харьцуулахад 10.1 тэрбум төгрөгөөр өссөн дүнтэй батлагдаж байсан бол 2022 онд 81.0 тэрбум төгрөгт хүрч төсөв 58.7 хувиар нэмэгдэж батлагдлаа.  

/тэрбум төгрөгөөр/

 

Эргэн сануулахад 2020 - 2021 онуудад шүүхийн төсвийг 10.1 тэрбум төгрөгөөр нэмэгдүүлж батлуулснаар шүүх эрх мэдлийн салбарт дараах  томоохон ажлуудыг хийж гүйцэтгэсэн билээ.

 

Анхан болон давж заалдах шатны шүүхийн Тамгын газруудын үндсэн хөрөнгөд бүртгэлтэй нийт 115 автомашинаас 84.3 хувь буюу 97 автомашины ашиглалтын хугацаа 2020 онд  дуусаж байсан асуудлыг шийдвэрлэж бүх шүүхийн тамгын газруудад автомашины парк шинэчлэл хийгдсэн.

 

Ширээний компьютер 860, шүүх хуралдааны заалны тоног төхөөрөмж 30, принтер 140, хувилагч машин 20, өндөр хурдны 9 ширхэг сканер, архивын зориулалттай 96 ширхэг нягтруулсан шүүгээ тус тус худалдан авч нэн шаардлагатай байсан техник, тоног төхөөрөмжийн 61.1 хувийг бүрэн шинэчлэн, хүрэлцээ хангамжийг сайжруулсан.

 

Давхардсан тоогоор 50 шүүхийн тамгын газрын барилга байгууламжид их болон урсгал засвар, зай талбайг нэмэгдүүлж өргөтгөх ажлуудыг хийж шүүгч, шүүхийн захиргааны ажилтны ажлын байрны нөхцөлийг сайжруулсан зэрэг болно.

 

Шүүхийн ерөнхий зөвлөлийн төсвийн ерөнхийлөн захирагчийн 2022 оны төсвийн багц нийт 81.0 тэрбум төгрөг үүнээс

  • Урсгал зардал 77.0 тэрбум төгрөг
  • Хөрөнгө оруулалтын зардал 4.0 тэрбум төгрөгөөр;

Шүүхийн сахилгын хорооны 2022 оны төсвийн багц 2,7 тэрбум төгрөг үүнээс

  • Урсгал зардалд 1,7 тэрбум төгрөг
  • - Хөрөнгө оруулалтын зардал 1,0 тэрбум төгрөгөөр тус тус батлагдлаа.
  •  

Ийнхүү шүүхийн 2022 оны  төсөв 81.0 тэрбум төгрөгөөр батлагдсанаар шүүх эрх мэдлийн салбарт тулгамдаж байгаа шүүхийн барилгуудын их засварыг хийх, тавилга, техник хэрэгслийн хангамжийг сайжруулах, шүүгч, шүүхийн захиргааны ажилтны нийгмийн хангамж, баталгааг дээшлүүлэх олон ажлуудыг хийж хэрэгжүүлэх боломж бүрдэж байна.

 

ШҮҮХИЙН САНХҮҮ, ХӨРӨНГӨ ОРУУЛАЛТЫН ГАЗАР

Нийтэлсэн admin   Үзсэн: 38   |   Сэтгэгдэл: 0
Хэвлэх
Төсөөтэй мэдээлэл:
Шүүхийн шийдвэрийн цахим сан

Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Арваннэгдүгээр сар 2021    »
ДаМяЛхаПүБаБямНям
1234567
891011121314
15161718192021
22232425262728
2930