ИРГЭНИЙ ХЭРГИЙН АНХАН БОЛОН ДАВЖ ЗААЛДАХ ШАТНЫ ШҮҮХИЙН ШҮҮГЧДИЙН СУРГАЛТ ЭХЭЛЛЭЭ » Сайхан сум дахь Сум дундын шҮҮх
Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
28-12-2021, 01:29   Хэсэг: Мэдээлэл   Сэтгэгдэл: 0  

ИРГЭНИЙ ХЭРГИЙН АНХАН БОЛОН ДАВЖ ЗААЛДАХ ШАТНЫ ШҮҮХИЙН ШҮҮГЧДИЙН СУРГАЛТ ЭХЭЛЛЭЭ


 

       Шүүхийн ерөнхий зөвлөл, Улсын дээд шүүхийн дэргэдэх Шүүхийн сургалт, судалгаа мэдээллийн хүрээлэнтэй хамтран зохион байгуулж буй "Иргэний хэрэг хянан шийдвэрлэх ажиллагааны зарчим, шүүхийн шийдвэр боловсруулах, хууль хэрэглэх аргачлал” сэдэвт сургалт өнөөдөр Шүүхийн ерөнхий зөвлөлийн байранд эхэллээ.

 

        Хуульчийн үргэлжилсэн сургалтын багц цаг олгох тус сургалтад иргэний хэргийн анхан болон давж заалдах шатны шүүхийн 85 шүүгч хамрагдах бөгөөд 2021 оны 12 дугаар сарын 22-23, 12 дугаар сарын 27-28-ны өдрүүдэд тус тус зохион байгуулах юм.

 

 

       Сургалтыг Шүүхийн ерөнхий зөвлөлийн дарга Д.Зүмбэрэллхам, Улсын дээд шүүхийн Иргэний хэргийн танхимын тэргүүн Г.Алтанчимэг нар нээж, сургалтад амжилт хүслээ.

 

       Сургалтад Чингэлтэй дүүргийн Иргэний хэргийн анхан шатны шүүхийн шүүгч Н.Баярмаа "Шүүхэд мэдүүлэх эрх”, Төв аймгийн Эрүү, Иргэний хэргийн давж заалдах шатны шүүхийн шүүгч Ц.Өрнөндэлгэр "Шүүгч хараат бус байх зарчим”, Нийслэлийн Иргэний хэргийн давж заалдах шатны шүүхийн шүүгч Э.Золзаяа "Шүүхийн өмнө эрх тэгш байх зарчим”, Нийслэлийн Иргэний хэргийн давж заалдах шатны шүүхийн Ерөнхий шүүгч Ж.Оюунтунгалаг "Диспозитив зарчим” сэдвээр эхний өдөр хичээл заах юм.

 

     

       Харин сургалтын хоёр дахь өдөр Дархан-Уул аймгийн Иргэний хэргийн давж заалдах шатны шүүхийн Ерөнхий шүүгч О.Нарангэрэл "Мэтгэлцэх зарчим /шүүхэд тайлбар гаргах эрх/, Нийслэлийн Иргэний хэргийн давж заалдах шатны шүүхийн шүүгч Г.Даваадорж "Хэргийн оролцогч” сэдвээр тус тус хичээл заана. Мөн Чингэлтэй дүүргийн Иргэний хэргийн анхан шатны шүүхийн Ерөнхий шүүгч С.Буд "Хэргийг хялбаршуулсан журмаар хянан шийдвэрлэх ажиллагаа”, Улсын дээд шүүхийн шүүгч П.Золзаяа "Шүүхийн шийдвэр боловсруулах, хууль хэрэглэх аргачлал” сэдвээр хичээл заана.

 

       Сургалтын төгсгөлд Улсын дээд шүүхийн Иргэний хэргийн танхимын тэргүүн Г.Алтанчимэг, шүүгч П.Золзаяа, Х.Эрдэнэсувд Д.Цолмон, Г.Банзрагч нар сургалтад хамрагдсан шүүгчидтэй хууль тогтоомжийг нэг мөр хэрэглэн хэвшүүлэх, хэрэглээний нэгдмэл байдлыг хангахад анхаарах асуудлын талаар туршлага солилцох уулзалт хийнэ.

 

 

Шүүхийн хэвлэл мэдээллийн хэлтэс

Нийтэлсэн admin   Үзсэн: 44   |   Сэтгэгдэл: 0
Хэвлэх
Төсөөтэй мэдээлэл:
Шүүхийн шийдвэрийн цахим сан

Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Нэгдүгээр сар 2022    »
ДаМяЛхаПүБаБямНям
 12
3456789
10111213141516
17181920212223
24252627282930
31