Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
29-02-2016, 12:43   Хэсэг: Мэдээлэл   Сэтгэгдэл: 0  

“Шүүхийн үйл ажиллагааны талаарх иргэдийн ойлголт хандлагыг төлөвшүүлэх нь” сэдэвт сургалтыг амжилттай зохион байгууллаа.

Шүүхийн Тамгын газрын дэргэдэх хэвлэл мэдээлэл, олон нийттэй харилцах албанаас Өвөрхангай аймаг дахь Сум дундын анхан шатны шүүхүүдийн харьяаллын 12 сумын Засаг даргын Тамгын газрын Төрийн захиргааны ажилтнууд, Арвайхээр сумын 11 багийн нийгмийн ажилтнуудад "Шүүхийн үйл ажиллагааны талаарх иргэдийн ойлголт хандлагыг төлөвшүүлэх нь” сэдэвт сургалтыг амжилттай зохион байгуулж, сумын Засаг даргын Тамгын газрын байранд байршуулах "Танд ойрхон шүүх” самбарыг хүлээлгэн өглөө.

Тус сургалтыг шүүхийн Тамгын газрын дарга Д.Мөнхбаяр нээж сургалтанд хамрагсдад Шүүхийн шинэтгэлийн 10 үр дүн болон тус сургалтын ач холбогдлын талаар үг хэлж оролцогчдод амжилт хүслээ.

Сургалтын хүрээнд Шүүхийн мэдээлэл лавлагааны мэргэжилтэн Ц.Болормаа "Шүүхэд нэхэмжлэл, өргөдөл, хүсэлт гаргахад анхаарах асуудал” Шүүхийн зохион байгуулалт хариуцсан мэргэжилтэн Д.Долгордорж "Иргэдийн төлөөлөгчийг сонгох журам, холбогдох бусад асуудал”, Шүүх дэх эвлэрүүлэн зуучлагч Я.Долгормаа "Шүүх дэх эвлэрүүлэн зуучлал, түүнд өргөдөл гаргах нь”, Шүүгчийн туслах П.Өнөрболд "Гэмт хэргээс урьдчилан сэргийлэх ажлын талаар”, Шүүгч Б.Батчимэг "Захиргааны хэргийн шүүхээр шийдвэрлэгдэж буй нийтлэг маргаан” зэрэг сэдвээр тус тус хичээл заалаа. Шүүгчийн туслах С.Самбуудоньд сумдын Засаг даргын Тамгын газарт байршуулах "Танд ойрхон шүүх” самбарын танилцуулгыг хийж, сургалтанд хамрагдагсдад "Эвлэрүүлэн зуучлах ажиллагаа” теле зохиомжийг үзүүлж сонирхууллаа.

 

 

Мөн сургалтанд хамрагдагсадын дунд АХА асуулт хариултын тэмцээнийг зохион байгуулж Баруунбаян-Улаан сумын Төрийн захиргааны ажилтан Б.Баярмаа тэргүүн байр, Төгрөг сумын Төрийн захиргааны ажилтан Э.Оюунжаргал дэд байранд шалгарч тус тус дурсгалын зүйлээр шагнуулав.

Сургалтанд хамрагдсан нийт 23 ажилтнуудаас сургалтын үйл ажиллагааны талаар саналыг бичгээр авч, 13 төрлийн боршур тараах материалыг тарааж сургалтын үйл ажиллагааг амжилттай зохион байгуулсан болно.

 

 

 

 

ШҮҮХИЙН ТАМГЫН ГАЗРЫН ДЭРГЭДЭХ ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ АЛБА

Нийтэлсэн admin   Үзсэн: 780   |   Сэтгэгдэл: 0
Хэвлэх
Төсөөтэй мэдээлэл:
Авлигын талаарх гомдол мэдээлэл өгөх
Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Наймдугаар сар 2022    »
ДаМяЛхаПүБаБямНям
1234567
891011121314
15161718192021
22232425262728
293031