Хууль зүйн яам, Тахарын Ерөнхий газар, Нээлттэй нийгэм форумаас хамтран Гэрч, хохирогчийг хамгаалах хууль, Засгийн газрын 2015 оны 346 дугаар тогтоолоор батлагдсан Гэрч, хохирогчийг хамгаалах, туслалцаа үзүүлэх үндэсний хөтөлбөрийг хэрэгжүүлэх ажлын хүрээнд "ГЭРЧ, ХОХИРОГЧИЙГ ХАМГААЛАХ ТОГТОЛЦОО, ТҮҮНИЙ ЭРХ ЗҮЙН БАЙДЛЫГ БОЛОВСРОНГУЙ БОЛГОХ НЬ” сэдэвт сургалт, хэлэлцүүлгийг энэ сарын 28-ны өдөр Дөрөвдүгээр тойргийн Тахарын албаны төв Өвөрхангай аймгийн Арвайхээр суманд зохион байгууллаа.

Уг хэлэлцүүлэгт Өвөрхангай аймаг дахь Эрүү, Иргэн, Захиргааны хэргийн анхан шатны шүүхийн, Өвөрхангай аймгийн Хархорин сум дахь сум дундын шүүхийн, Баянхонгор аймаг дахь Эрүүгийн хэргийн анхан шатны шүүхийн шүүгч нар, Дөрөвдүгээр тойргийн Тахарын алба, хэсгийн албан хаагч нар болон бусад хууль сахиулах байгууллагуудын төлөөлөл оролцсон бөгөөд дээрх хууль болон журмыг хэрэгжүүлэхэд хүндрэл бэрхшээлтэй байгаа асуудал, цаашид хэрхэн шийдвэрлэх арга замын талаар ярилцсан үр дүнтэй хэлэлцүүлэг боллоо.