БНСУ-ын төлөөлөгчдийг хүлээн авч уулзлаа » Сайхан сум дахь Сум дундын шҮҮх
Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
14-09-2016, 15:21   Хэсэг: Мэдээлэл   Сэтгэгдэл: 0  

БНСУ-ын төлөөлөгчдийг хүлээн авч уулзлаа

БНСУ-ын төлөөлөгчдийг хүлээн авч уулзлаа


Шүүхийн ерөнхий зөвлөлийн дарга, доктор, профессор Н.Лүндэндорж Солонгосын Эрх зүйн сургалтын төвийн профессор Кан Гү Чол болон Бүгд Найрамдах Солонгос Улсаас Монгол Улсад суугаа Элчин сайдын яамны Консулын газрын Нарийн бичгийн дарга Пак Чон У нарыг 2016 оны 09 дүгээр сарын 13-ны өдөр хүлээн авч уулзлаа.

 

 

Уулзалтын эхэнд Шүүхийн ерөнхий зөвлөлийн дарга Н.Лүндэндорж профессор Кан Гү Чолд Монгол Улсын шүүхийн шинэтгэлийн үйл хэрэгт хувь нэмрээ оруулж байгаад сэтгэл өндөр байгаагаа илэрхийлээд, БНСУ-аас Монгол Улсад суугаа Элчин сайдын яамны Консулын газрын нарийн бичгийн дарга Пак Чон У энэхүү уулзалтад ач холбогдол үзүүлэн хүрэлцэн ирсэн явдалд талархаж байгаагаа онцлон тэмдэглэв.

 

 

Түүнчлэн Монгол Улсад өрнөж буй шүүхийн шинэтгэлийн явц болон түүний үр дүнг Германы Олон Улсын Хамтын Ажиллагааны Нийгэмлэгээс иж бүрэн, олон улсын цогц судалгаа хэрхэн үнэлсэн талаар дурьдаад Монгол Улс болон БНСУ-ын Шүүхийн захиргааны байгууллагуудын хооронд харилцаа тогтоох явдал нь ихээхэн чухал болохыг онцолж, энэхүү харилцаа холбоог хөгжүүлэхэд Солонгосын Эрх зүйн сургалтын төвийн профессор Кан Гү Чол нь хоёр улсын Шүүхийн захиргааны байгууллагуудыг холбох гүүр болно гэдэгт найдаж байгаагаа илэрхийлэв. Мөн Шүүхийн ерөнхий зөвлөлийн шинэ бүрэн эрхийн хугацааны гол стратегийг тодорхойлсон. Үүнд шүүгчдийн сургалтыг шинэчлэх, чанаржуулах, өргөжүүлэх явдал бол энэхүү бүрэн эрхийн хугацааны хамгийн гол ажил гэдгийг онцлов.

БНСУ-ын төлөөлөгчдийг хүлээн авч уулзлаа 

 

Солонгосын Эрх зүйн сургалтын төвийн профессор Кан Гү Чол хэлэхдээ сургагч шүүгчдийг БНСУ-аас Монгол Улсад ирж сургалт явуулах мөн Шүүхийн сургалтын төв "Баяндөхөм цогцолбор”-т техникийн туслалцаа үзүүлэх асуудлаар КОЙКА Олон Улсын хамтын ажиллагааны байгууллагатай уулзах талаар түлхүү анхаарч ажиллах бөгөөд тун удахгүй нааштай хариу мэдэгдэх болно гэдгийг илэрхийлэв.

 

Уулзалтын төгсгөлд Шүүхийн ерөнхий зөвлөлийн дарга, доктор, профессор Н.Лүндэндорж Солонгосын Эрх зүйн сургалтын төвийн профессор Кан Гү Чолд шүүхийн шинэтгэлийн ажилд хүчин чармайлт гаргаж ажиллаж байгаад болон хоёр улсын шүүхийн захиргааны байгууллагуудыг холбож өгөх талаар холбогдох байгууллагууд болон албан тушаалтнуудтай уулзаж, Монгол Улсын Шүүхийн ерөнхий зөвлөлийн талаар тодорхой мэдээлэл түгээж байгаа явдалд дахин талархал илэрхийллээ.



Шүүхийн гадаад харилцааны хэлтэс

Нийтэлсэн admin   Үзсэн: 246   |   Сэтгэгдэл: 0
Хэвлэх
Төсөөтэй мэдээлэл:
Шүүхийн шийдвэрийн цахим сан

Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Аравдугаар сар 2019    »
ДаМяЛхаПүБаБямНям
 123456
78910111213
14151617181920
21222324252627
28293031