Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
27-10-2016, 12:33   Хэсэг: Мэдээлэл   Сэтгэгдэл: 0  

Эвлэрүүлэн зуучлагч бэлтгэх 19 дэх удаагийн сургалт болж байна


Шүүхийн бус журмаар маргаан шийдвэрлүүлэх нэг хэлбэр болох эвлэрүүлэн зуучлах ажиллагаа Монгол Улсад амжилттай хэрэгжиж эхэлснээр шүүхийн ачааллыг тодорхой хэмжээгээр бууруулж, зарим төрлийн маргааныг эвийн журмаар шийдвэрлэн нийгэмд эерэг уур амьсгалыг бүрдүүлэх болсон.

Иймд Шүүхийн ерөнхий зөвлөлийн дэргэдэх Эвлэрүүлэн зуучлагчдын зөвлөлөөс эвлэрүүлэн зуучлагчдын хүний нөөцийг нэмэгдүүлэхээр эвлэрүүлэн зуучлагчийн ээлжит сонгон шалгаруулалтыг зарласан бөгөөд нийт 120 хүн бүртгүүлсэн байна. Шалгалтад бүртгүүлэгчдээс ерөнхий мэдлэг, Монгол Улсын Үндсэн хууль, Эвлэрүүлэн зуучлалын тухай хууль болон холбогдох бусад хуулийн хүрээнд тестийн шалгалт авч, шалгалтад тэнцсэн 24 хүнтэй ганцаарчилсан ярилцлага зохион байгуулж сургалтад оролцох эрх олгов.


"Эвлэрүүлэн зуучлагч бэлтгэх” тус сургалт нь 19 дэх удаагийнх бөгөөд 2016 оны 10 дугаар сарын 26-28-ны өдрүүдэд 3 хоногийн турш зохион байгуулагдана. Сургалтыг эвлэрүүлэн зуучлагчийн сургагч багшаар мэргэшин бэлтгэгдсэн, туршлагатай сургагч багш нар удирдан явуулж байгаа бөгөөд эвлэрүүлэн зуучлах ажиллагааны онол, эрх зүйн зохицуулалт, эвлэрүүлэн зуучлах ажиллагааны журам, иргэн, гэр бүл, хөдөлмөрийн ганцаарчилсан маргааныг эвлэрүүлэн зуучлах ажиллагааны онцлог, эвлэрүүлэн зуучлагчийн эрх, үүрэг, ёс зүй, харилцааны ур чадвар, эвлэрүүлэн зуучлах ажиллагааны талуудын сэтгэл зүйн онцлог зэрэг сэдвүүдээр хичээл заах юм.


 

 

ШҮҮХИЙН ЕРӨНХИЙ ЗӨВЛӨЛИЙН ДЭРГЭДЭХ ЭВЛЭРҮҮЛЭН ЗУУЧЛАГЧДЫН ЗӨВЛӨЛ

ШҮҮХИЙН СУДАЛГАА, МЭДЭЭЛЭЛ, СУРГАЛТЫН ХҮРЭЭЛЭН

Нийтэлсэн admin   Үзсэн: 815   |   Сэтгэгдэл: 0
Хэвлэх
Төсөөтэй мэдээлэл:
Авлигын талаарх гомдол мэдээлэл өгөх
Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Наймдугаар сар 2022    »
ДаМяЛхаПүБаБямНям
1234567
891011121314
15161718192021
22232425262728
293031