Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
14-12-2016, 15:00   Хэсэг: Мэдээлэл   Сэтгэгдэл: 0  

Шүүхийн тамгын газрын дарга нарт зориулсан сургалт эхэллээ

Шүүхийн ерөнхий зөвлөлөөс зохион байгуулж буй "Шүүхийн тамгын газрын дарга нарт зориулсан сургалт” өнөөдөр буюу 2016 оны 12 дугаар сарын 14-ний өдөр эхэллээ. Сургалтыг Шүүхийн ерөнхий зөвлөлийн гүйцэтгэх нарийн бичгийн дарга Т.Мэндсайхан нээж, энэ удаагийн сургалтын агуулга, онцлогийн талаар танилцууллаа. Сургалт 12 дугаар сарын 14,15,16-ны өдрүүдэд үргэлжлэн зохион байгуулагдана.



 

Энэхүү сургалт шүүхийн тамгын газрын дарга нарын шүүхийн захиргааг удирдах мэдлэг, чадварыг дээшлүүлэх, шүүхийн үйлчилгээний соёлын талаарх мэдлэг, чадварыг гүнзгийрүүлэх, хэргийн хөдөлгөөний удирдлагын практик-хэрэглээний арга барил, мэргэшлийг сайжруулахад чиглэнэ.

Сургалтаар шүүхийн тамгын газрын дарга нар Нийслэлийн Эрүү, Иргэний хэргийн давж заалдах шатны шүүхийн жишиг танхим, Захиргааны хэргийн шүүхийн нэгдсэн байртай танилцаж шүүхийн тамгын газрын үйл ажиллагааны сайн туршлагыг судална.

Сургалтын сүүлийн өдөр буюу 2016 оны 12 дугаар сарн 16-ны өдөр Шүүхийн тамгын газруудын 2016 оны ажлын үнэлгээг танилцуулах, 2016 оны үр дүнгийн гэрээ байгуулах арга хэмжээ болох юм.


Нийтэлсэн admin   Үзсэн: 572   |   Сэтгэгдэл: 0
Хэвлэх
Төсөөтэй мэдээлэл:
Иргэн таньд
Авлигын талаарх гомдол мэдээлэл өгөх
Шүүхийн ёс зүйн хороо
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Наймдугаар сар 2022    »
ДаМяЛхаПүБаБямНям
1234567
891011121314
15161718192021
22232425262728
293031