Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
3-02-2017, 08:51   Хэсэг: Мэдээлэл   Сэтгэгдэл: 0  

“Шүүхийн хэвлэл мэдээлэл, олон нийтийн харилцаа” сургалт боллоо

      Шүүхийн хэвлэл мэдээлэл, олон нийттэй харилцах хэлтэс "Шүүхийн хэвлэл мэдээлэл, олон нийтийн харилцаа” сургалтыг энэ сарын 1-нд зохион байгууллаа. Сургалтад Шүүхийн ерөнхий зөвлөлийн нэгжийн дарга нар, нийслэлийн дүүргүүдийн болон Дархан-Уул, Орхон, Төв аймгийн шүүхийн тамгын газрын дарга, олон нийттэй харилцах мэргэжилтнүүд оролцсон юм.

 

     Сургалтын эхэнд МУИС-ийн Нийгмийн ухааны салбарын Сэтгүүл зүй, олон нийтийн харилцааны тэнхимийн эрхлэгч, доктор, профессор Б.Болд-Эрдэнэ "Төрийн байгууллагын PR” сэдвээр хичээл заалаа. Тэрбээр олон нийтийн санаа бодлыг хэрхэн мэдэрч, эерэгээр төлөвшүүлэх, хэвлэл мэдээллийн байгууллагатай яаж харилцах, байгууллагынхаа PR-ыг ямар байдлаар хийх талаар хичээл заасан юм.

"Отгонтэнгэр” их сургуулийн Сэтгүүл зүйн тэнхимийн эрхлэгч доктор, дэд профессор Х.Энхтуяа мэдээ хэрхэн бэлтгэх талаар хичээл заалаа. "Сэтгүүл зүйн бичлэгийн төрөл зүйл, мэдээ хэрхэн бичих вэ” хичээлээрээ мэдээ нь 5W1H буюу хэн, юу, хэзээ, хаана, яагаад, яаж гэсэн үндсэн асуултад хариулагдахыг зааж, жишээн дээр тайлбарлалаа.

 

     Хэвлэл мэдээллийн хэрэгсэл, сэтгүүлчидтэй хэрхэн харилцах талаар практик сургалтыг МҮОНРТ-ын "Монголын мэдээ” сувгийн сэтгүүлч, продюсер Т.Эрдэнэчимэг удирдаж явуулсан юм.

 

 

Монголын хэвлэлийн хүрээлэнгийн сургалтын албаны дарга Ц.Тамир нийгмийн сүлжээг хэрхэн ашиглахыг заалаа. Нийгмийн сүлжээгээр мэдээллээ яаж түгээх, мэдээлэл авч байгаа хэрэглэгчдээ хэрхэн судлах зэрэг асуудлыг facebook, twitter зэрэг нийгмийн сүлжээний тоон баримтуудад тулгуурлаж ярьсан.

 

 

    Сургалтын төгсгөлд Шүүхийн хэвлэл мэдээлэл, олон нийттэй харилцах хэлтсийн дарга, Ш.Отгонцэцэг "Шүүхийн хэвлэл мэдээлэл, олон нийтийн харилцааны тулгамдсан асуудал” сэдвээр мэдээлэл өгч, тамгын газрын дарга, олон нийттэй харилцах мэргэжилтнүүдтэй санал солилцлоо. Шүүхийн шинэтгэлийг олон нийтэд ойлгуулахын тулд тэдэнтэй хэрхэн харилцах, мэдээллээ яаж түгээх талаар суралцах, мэдлэгээ дээшлүүлэх зайлшгүй шаардлага байгааг сургалтад оролцогчид ярьсан. Мөн шүүх бүрт олон нийттэй харилцах мэргэжилтний орон тоо шаардлагатай, тэр тусмаа мэргэжлийн сэтгүүлч ажиллуулах саналыг Тамгын газрын дарга нар хэлж байлаа. Мөн мэргэшсэн сэтгүүлч бэлтгэх сургалтанд орон нутгийн сэтгүүлчдийг оролцуулахыг хүссэн юм.

 

 

Шүүхийн хэвлэл мэдээлэл, олон нийттэй харилцах хэлтэс

Нийтэлсэн admin   Үзсэн: 724   |   Сэтгэгдэл: 0
Хэвлэх
Төсөөтэй мэдээлэл:
Авлигын талаарх гомдол мэдээлэл өгөх
Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Наймдугаар сар 2022    »
ДаМяЛхаПүБаБямНям
1234567
891011121314
15161718192021
22232425262728
293031