Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
20-03-2017, 16:44   Хэсэг: Мэдээлэл   Сэтгэгдэл: 0  

Шүүхийн ерөнхий зөвлөлийн дарга, гишүүд орон нутгийг зорьлоо

Шүүхийн ерөнхий зөвлөлийн дарга, гишүүд Шүүхийн ерөнхий зөвлөлийн 2016 оны үйл ажиллагааны тайланг орон нутаг дахь шүүхүүдэд танилцуулах ажил үргэлжилж байна.

 

Шүүхийн ерөнхий зөвлөлийн дарга, доктор профессор Н.Лүндэндоржоор ахлуулсан ажлын хэсгийнхэн өнөөдөр Хөвсгөл аймгийг зорьлоо. Тэд Шүүхийн ерөнхий зөвлөлийн 2016 оны үйл ажиллагааны тайланг танилцуулахаас гадна МУ-ын Ерөнхийлөгчийн санаачлан эхлүүлсэн шүүхийн шинэтгэлийн талаар иргэд, олон нийттэй уулзаж, шүүхийн шинэтгэлийн 10 үр дүн, хүрсэн үр дүнг танилцуулахын зэрэгцээ иргэдийн шүүхийн шинэтгэлийн талаарх санал, хүсэлтийг сонсох юм.

 

Харин Шүүхийн ерөнхий зөвлөлийн гишүүн П.Батсайхан Говьсүмбэр, Дорноговь аймгийн Замын-Үүд, Хэнтий аймгийн Бор-Өндөр дэх шүүхүүдэд тус тус ажиллах бол Шүүхийн ерөнхий зөвлөлийн гишүүн, Монгол Улсын гавьяат хуульч О.Зандраа Өвөрхангай, Баянхонгор, Архангай, Өвөрхангай аймгийн Хархорин, Төв аймаг дахь шүүхүүдэд ажиллахаар тус тус өнөөдөр мордлоо.

 

Мөн Шүүхийн ерөнхий зөвлөлийн гишүүн Д.Эрдэнэчулуунаар ахлуулсан ажлын хэсэг Булган, Орхон, Сэлэнгэ аймгийн Сайхан, Дархан уул аймаг, Сэлэнгэ, Сэлэнгэ аймгийн Мандал дахь шүүхүүдэд тус тус ажиллаж, Шүүхийн ерөнхий зөвлөлийн 2016 оны үйл ажиллагааны тайланг танилцуулж, шүүгч, шүүхийн захиргааны ажилтнуудын санал, хүсэлтийг сонсох юм. Томилолтын талаарх мэдээллийг бид тухай бүрт хүргэх болно.

 

 

 

Шүүхийн хэвлэл мэдээлэл, олон нийттэй харилцах хэлтэс

Нийтэлсэн admin   Үзсэн: 521   |   Сэтгэгдэл: 0
Хэвлэх
Төсөөтэй мэдээлэл:
Авлигын талаарх гомдол мэдээлэл өгөх
Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Наймдугаар сар 2022    »
ДаМяЛхаПүБаБямНям
1234567
891011121314
15161718192021
22232425262728
293031