Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
1-05-2017, 09:23   Хэсэг: Мэдээлэл   Сэтгэгдэл: 0  

“Шүүхийн цахим архив” сургалт эхэллээ


"Шүүхийн цахим архив” сургалт өнөөдөр буюу 2017 оны 04 дүгээр сарын 27-ны өдөр Шүүхийн ерөнхий зөвлөлийн байранд эхэллээ. Шүүхийн судалгаа мэдээлэл сургалтын хүрээлэн, Шүүхийн төрөлжсөн архивтай хамтран зохион байгуулж байгаа энэхүү сургалтад шүүхийн 40 тамгын газрын архив-бичиг хэргийн эрхлэгч танхимын хэлбэрээр, 9 архивч онлайн хэлбэрээр хамрагдаж байна.


Шүүхийн төрөлжсөн архивын дарга С.Нэргүй сургалтыг нээж, сургалтын зорилго, ач холбогдлыг танилцуулж, сургалтад оролцогчдод амжилт хүслээ.

Шүүхийн төрөлжсөн архивын салбар хөмрөг үүсгэх, онол практик хослуулсан энэхүү сургалтаар шүүхийн архивын баримтыг цахим хэлбэрт шилжүүлэх, программ сүлжээг архивын ажилд хэрхэн ашиглах талаар мэргэжлийн мэдлэг, ур чадвар олгох юм.


Сургалтад Архивын ерөнхий газрын мэргэжилтнүүд, Шүүхийн ерөнхий зөвлөлийн референт, шүүхийн архивын эрхлэгч нар нийт 16 цагийн хичээл заана. Сургалт 2017 оны 04 дүгээр сарын 27, 28-ны өдрүүдэд 2 хоногийн турш үргэлжилнэ.


 

Шүүхийн судалгаа мэдээлэл, сургалтын хүрээлэн

Нийтэлсэн admin   Үзсэн: 563   |   Сэтгэгдэл: 0
Хэвлэх
Төсөөтэй мэдээлэл:
Авлигын талаарх гомдол мэдээлэл өгөх
Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Долоодугаар сар 2022    »
ДаМяЛхаПүБаБямНям
 123
45678910
11121314151617
18192021222324
25262728293031