“Эвлэрүүлэн зуучлагч бэлтгэх” сургалт амжилттай өндөрлөлөө » Сайхан сум дахь Сум дундын шҮҮх
Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
6-10-2017, 15:36   Хэсэг: Мэдээлэл, Мэдээ,Мэдээлэл   Сэтгэгдэл: 0  

“Эвлэрүүлэн зуучлагч бэлтгэх” сургалт амжилттай өндөрлөлөө

Шүүхийн ерөнхий зөвлөлийн дэргэдэх Эвлэрүүлэн зуучлагчдын зөвлөлөөс эвлэрүүлэн зуучлагчдын хүний нөөцийг нэмэгдүүлэхээр ээлжит сонгон шалгаруулалтыг зарласан бөгөөд шалгалтад тэнцсэн 42 хүнд сургалтад оролцох эрх олгосон. Энэ хүрээнд "Эвлэрүүлэн зуучлагч бэлтгэх” сургалтыг 2017 оны 10 дугаар сарын 03-05-ны өдрүүдэд Шүүхийн ерөнхий зөвлөлийн 102 тоот танхимд зохион байгууллаа. 

 

Тус сургалтыг эвлэрүүлэн зуучлагчийн сургагч багшаар мэргэшин бэлтгэгдсэн, туршлагатай сургагч багш болон шүүгч нар удирдан явуулсан бөгөөд эвлэрүүлэн зуучлах ажиллагааны онол, эрх зүйн зохицуулалт, эвлэрүүлэн зуучлах ажиллагааны журам, иргэн, гэр бүл, хөдөлмөрийн ганцаарчилсан маргааныг эвлэрүүлэн зуучлах ажиллагааны онцлог, эвлэрүүлэн зуучлагчийн эрх, үүрэг, ёс зүй, харилцааны ур чадвар, эвлэрүүлэн зуучлах ажиллагааны талуудын сэтгэл зүйн онцлог зэрэг сэдвүүдийн хүрээнд амжилттай явууллаа.

 

 

ШҮҮХИЙН СУДАЛГАА, МЭДЭЭЛЭЛ, СУРГАЛТЫН ХҮРЭЭЛЭН,

ШҮҮХИЙН ЗАХИРГААНЫ УДИРДЛАГЫН ГАЗАР


Нийтэлсэн admin   Үзсэн: 8   |   Сэтгэгдэл: 0
Хэвлэх
Төсөөтэй мэдээлэл:
Шүүхийн шийдвэрийн цахим сан

Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Аравдугаар сар 2017    »
ДаМяЛхаПүБаБямНям
 1
2345678
9101112131415
16171819202122
23242526272829
3031