Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/

6-03-2018, 12:46 Хэсэг: Мэдээлэл, Мэдээ,Мэдээлэл Сэтгэгдэл: 0

Австрали улсын эвлэрүүлэн зуучлагчдыг хүлээн авч уулзлаа

Монгол Улсын Шүүхийн ерөнхий зөвлөлийн Гүйцэтгэх нарийн бичгийн дарга Т.Мэндсайхан, Эвлэрүүлэн зуучлалын зөвлөлийн дарга Д.Тунгалаг нар Австрали улсын эвлэрүүлэн зуучлагчдын төлөөллийг өнгөрсөн баасан гаригт (2018.03.02) хүлээн авч уулзлаа.

Уулзалтаар хоёр улсын шүүх дэх эвлэрүүлэн зуучлах үйлчилгээний талаар мэдээлэл солилцож, Шүүхийн ерөнхий зөвлөлийн үйл ажиллагаатай танилцав. Мөн хоёр тал хамтарч Монгол Улсын шүүхийн эвлэрүүлэн зуучлагчдад зориулсан сургалт зохион байгуулах талаар ярилцсан юм.