Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
25-04-2018, 09:58   Хэсэг: Мэдээлэл   Сэтгэгдэл: 0  

“Өв залгамжлалын харилцаа” сэдэвт сургалт боллоо

 

Шүүхийн ерөнхий зөвлөлөөс шүүгчийн хууль хэрэглээний мэдлэг, ур чадварыг дээшлүүлэх хүрээнд шүүгч өвлөх харилцаатай холбогдсон хэрэг, маргааныг хянан шийдвэрлэхдээ холбогдох хуулийн зохицуулалтыг зөв тайлбарлан хэрэглэх, нэг мөр ойлгох, онол арга зүйн мэдлэг олгох, өв залгамжлалын мэдлэгийг гүнзгийрүүлэхэд чиглэсэн "Өв залгамжлалын харилцаа” сэдэвт чөлөөт сонголтын сургалтыг 2018 оны 04 дүгээр сарын 19-ний өдөр зохион байгууллаа.

 

Сургалтыг Монголын хуульчдын холбооны Бодлого зохицуулалт хэлтсийн дарга А.Оюунчимэг "Хуульд зааснаар өвлөх, өв хүлээн авах, татгалзах, Өвлөгдөх эд хөрөнгийг хамгаалах өвлүүлэгчийн үүрэг” сэдвээр, Нийслэл дэх Захиргааны хэргийн анхан шатны шүүхийн шүүгч Г.Мөнхтулга "Өв залгамжлалтай холбоотой маргааныг шүүхээр шийдвэрлэж буй практик, Өв залгамжлалын талаар Олон улсын эрх зүйн зохицуулалт” сэдвээр тус тус удирдан явууллаа. 

 

Сургалтад оролцогчид тус сургалтаар Монгол Улсын болон гадаадын зарим улс орнуудын өв залгамжлалтай холбоотой хуулийн зохицуулалт, онол арга зүйн мэдлэгийг шүүхийн практиктай хослуулж богино хугацаанд үр өгөөжтэй суралцлаа хэмээн онцолсон юм.

 

Тус сургалтад нийслэл болон орон нутаг дахь давж заалдах, анхан шатны иргэний хэргийн шүүхийн нийт 35 шүүгч хамрагдсан юм.

 

 

ШҮҮХИЙН СУДАЛГАА, МЭДЭЭЛЭЛ, СУРГАЛТЫН ХҮРЭЭЛЭН

Нийтэлсэн admin   Үзсэн: 659   |   Сэтгэгдэл: 0
Хэвлэх
Төсөөтэй мэдээлэл:
Иргэн таньд
Авлигын талаарх гомдол мэдээлэл өгөх
Шүүхийн ёс зүйн хороо
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Арванхоёрдугаар сар 2022    »
ДаМяЛхаПүБаБямНям
 1234
567891011
12131415161718
19202122232425
262728293031