Шүүхийн захиргаа удирдлага, бодлого зохицуулалтын газрын референт Рагчаагийн Ичинхорлоо, Шүүхийн хангамж үйлчилгээний хэлтсийн дарга Жанчивдоржийн Бямбацогт нарыг Хөдөлмөрийн гавьяаны улаан тугийн одонгоор шагнасныг өнгөрсөн баасан гаригт Шүүхийн ерөнхий зөвлөлийн дарга, гишүүд гардууллаа. Мөн Шүүхийн төрөлжсөн архивын ахлах архивч Жамбалын Туяа, Мэдээллийн технологийн хэлтсийн дарга Доржсүрэнгийн Мөнхзориг, Шүүхийн хангамж үйлчилгээний хэлтсийн үйлчлэгч Лувсандоржийн Отгон, жолооч Гончигийн Бат-Эрдэнэ нарыг Хөдөлмөрийн хүндэт медалиар шагнажээ.

 

Төрийн дээд одон медаль гардуулах ёслолын үеэр Монгол Улсын Шүүхийн ерөнхий зөвлөл шилдэг нэгж, шилдэг ажилтнуудаа шалгаруулсан юм. Шүүхийн ерөнхий зөвлөлийн 2018 оны "Шилдэг нэгж”-ээр Шүүхийн судалгаа мэдээлэл сургалтын хүрээлэн, "Шилдэг ажилтан”-аар Шүүхийн ёс зүйн хорооны ажлын албаны референт Ж.Халиун, Мэдээллийн технологийн хэлтсийн референт Э.Амарсанаа, Шүүхийн судалгаа мэдээлэл, сургалтын хүрээлэнгийн референт С.Алунгоо, Шүүхийн төрөлжсөн архивын ахлах архивч Ж.Туяа нар шалгарлаа.

 

Монголын Боксын холбооны 70 жилийн ойн медалиар Шүүхийн судалгаа, мэдээлэл, сургалтын хүрээлэнгийн сургалтын төв хариуцсан шинжээч Б.Мөнхдөлийг шагнасныг ёслолын үеэр гардуулсан юм.

 

 

Шүүхийн хэвлэл мэдээллийн хэлтэс