Шүүхийн бүрэн эрх, Шүүхийн харьялал » Сайхан сум дахь Сум дундын шҮҮх
Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
 Монгол Улсын Шүүхийн тухай хуулиас

ЗУРГАДУГААР БҮЛЭГ
АНХАН ШАТНЫ ШҮҮХ
     

22 дугаар зүйл. Анхан шатны шүүх

      22.1.Анхан шатны шүүхийн тогтолцоо нь дараах бүтэцтэй байна:

           22.1.1.дүүргийн Иргэний хэргийн анхан шатны шүүх;

           22.1.2.дүүргийн Эрүүгийн хэргийн анхан шатны шүүх;

           22.1.3.захиргааны хэргийн анхан шатны шүүх;

           22.1.4.сум буюу сум дундын шүүх.

      22.2.Сум буюу сум дундын шүүхийг шүүн таслах ажлын төрлөөр дагнан байгуулж болно.

      22.3.Анхан шатны шүүх тодорхой хэрэг, маргааны төрлөөр насанд хүрээгүй хүмүүсийн хэргийн, гэр бүлийн, хөдөлмөрийн маргааны зэрэг танхимтай байж болно.

      22.4.Энэ хуулийн 22.3-т заасан танхимыг Шүүхийн ерөнхий зөвлөлийн санал болгосноор Улсын дээд шүүх тухайн шүүхийн Ерөнхий шүүгчтэй зөвшилцөн байгуулна.

      22.5.Анхан шатны шүүх "анхан шатны... дугаар/дүгээр шүүх” гэсэн улсын хэмжээний нэгдсэн дэс дугаартай байх бөгөөд энэ нь түүний албан ёсны нэр, хаяг болно.

      22.6.Анхан шатны шүүх нь шүүн таслах ажлыг иргэдэд ойртуулах зорилгоор нүүдэллэн ажиллаж болох бөгөөд ийнхүү ажиллах нийтлэг журмыг Шүүхийн ерөнхий зөвлөл батална.

 

23 дугаар зүйл. Анхан шатны шүүхийн бүрэн эрх

       23.1.Анхан шатны шүүх дараах бүрэн эрхийг хэрэгжүүлнэ:

             23.1.1.хуулиар харьяалуулсан эрүүгийн болон захиргааны хэрэг, эрх зүйн маргааныг анхан шатны журмаар хянан шийдвэрлэх;

             23.1.2.анхан шатны шүүхийн шүүн таслах ажиллагааны практикт үндэслэн хууль тогтоомжийг боловсронгуй болгох тухай саналаа Улсын дээд шүүхэд уламжлах;

             23.1.3.хуульд заасан бусад бүрэн эрх.

 

Сэлэнгэ аймгийн Сайхан сум дахь сум дундын шүүх нь 1996 оны 5 дугаар сарын 28-ны өдрийн "Шүүх байгуулах тухай” хуульд нэмэлт, өөрчлөлт оруулах тухай хуулиар Сэлэнгэ аймгийн баруун 5 сум болох Сайхан, Орхон, Орхонтуул, Сант, Баруунбүрэн, сумдын 20000 гаруй мянган хүн ам, 9352 хавтгай дөрвөлжин км нутаг дэвсгэрийг харъяалан /шүүн таслах үйл ажиллагаа явуулж/ байна.

Шүүхийн шийдвэрийн цахим сан

Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Аравдугаар сар 2017    »
ДаМяЛхаПүБаБямНям
 1
2345678
9101112131415
16171819202122
23242526272829
3031