Түүхэн замнал » Сайхан сум дахь Сум дундын шүүх

Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/

ТҮҮХЭН ЗАМНАЛ

Шүүх үүсэн байгуулагдсан түүхэн цаг мөч 1996 он

Сэлэнгэ аймгийн Сайхан сум дахь сум дундын шүүх нь 1996 оны 5 дугаар сарын 28-ны өдрийн "Шүүх байгуулах тухай” хуульд нэмэлт, өөрчлөлт оруулах тухай хуулиар Сэлэнгэ аймгийн баруун 5 сум болох Сайхан, Орхон, Орхонтуул, Сант, Баруунбүрэн, сумдын 20000 гаруй мянган хүн ам, 9352 хавтгай дөрвөлжин км нутаг дэвсгэрийг харъяалан /шүүн таслах үйл ажиллагаа явуулж/ ажиллахаар байгуулагдсан түүхтэй.

1996 оны 09 дүгээр сарын 26-ны өдрөөс Хөтөл хотын "40-р байр” гэж нэрлэгдэх илгээлтийн эздийн нийтийн орон сууцны нэг давхарт анх 2 шүүгч, нарийн бичгийн дарга, бичээчийн орон тоотойгоор шүүн таслах ажиллагаагаа эхэлж байсан бол өнөөдөр 4 шүүгч, тамгын тамгын газрын дарга, шүүхийн захиргааны 8, төрийн үйлчилгээний 9 нийт 22 хүний орон тоотойгоор шүүх эрх мэдлийг орон нутагт хэрэгжүүлж жилд дунджаар эрүүгийн 80 гаруй, иргэний 300 гаруй хэрэг, захиргааны зөрчил 150 гаруйг хянан шийдвэрлэж байна.

20 жилийн хугацаанд ажиллаж байсан болон одоо ажиллаж байгаа шүүгч нар

Ерөнхий шүүгч: Д.Оюундарь 1996-2001 он

Б.Одонцэцэг 2001-2014 он

Г.Сарантуяа 2014 оноос

Шүүгч: Л.Оюунцэцэг 1996-2001 он

Д.Буянжаргал 1997-2004 он

Б.Одонцэцэг 1997-2015 он

Г.Сарантуяа 2001 оноос

Ш.Оюунтуул 2001-2011 он

Г.Давааренчин 2004-2012 он

Ц.Үйтүмэн 2012-2013 он

А.Нарантуяа 2013 оноос