“ХУУЛЬЧИЙН ПРО-БОНО ӨДӨР”-Т ШҮҮХИЙН ҮЙЛЧИЛГЭЭНИЙ ТАЛААР МЭДЭЭЛЖ, ИРГЭДЭД ЗӨВЛӨВ » Сайхан сум дахь Сум дундын шҮҮх
Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
5-05-2020, 03:09   Хэсэг: Мэдээлэл, Мэдээ,Мэдээлэл   Сэтгэгдэл: 0  

“ХУУЛЬЧИЙН ПРО-БОНО ӨДӨР”-Т ШҮҮХИЙН ҮЙЛЧИЛГЭЭНИЙ ТАЛААР МЭДЭЭЛЖ, ИРГЭДЭД ЗӨВЛӨВ

Жил бүрийн тавдугаар сарын 1-нд уламжлал болгон зохион байгуулдаг "Хуульчийн Про-Боно өдөр” арга хэмжээний үеэр шүүхийн захиргааны ажилтнууд шүүхийн үйлчилгээний талаар иргэдэд мэдээлж, зөвлөгөө өглөө.

 

 

Монголын хуульчдын холбооны байранд Шүүхийн ерөнхий зөвлөлийн Шүүхийн захиргааны удирдлагын газрын референт Р.Ичинхорлоо, Хэвлэл мэдээллийн хэлтсийн референт Ж.Энхбаяр, болон Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн олон нийттэй харилцах мэргэжилтэн З.Баяржаргал, Баянгол, Хан-Уул дүүргийн Иргэний хэргийн анхан шатны шүүхийн Шүүхийн үйлчилгээний хэлтсийн дарга Г.Гантуяа нар 7505-0801, 7505-0802, 7505-0803, 7505-0804 дугаарын утсаар иргэдтэй холбогдож мэдээлэл, зөвлөгөө өгсөн юм.

 

 

Мөн шүүхийн Тамгын газрууд шүүхийн үйлчилгээ, шүүхэд мэдүүлэх эрх, эвлэрүүлэн зуучлан ажиллагаа, шүүхийн иргэдийн төлөөлөгчийн оролцооны талаарх мэдээллийг "Нээлттэй танхим”-даа байршуулж, цахим сүлжээгээр иргэдэд өглөө. Иргэдийн асуултад нийгмийн сүлжээн дэх пэйж хаяг болон утсаар хариулж, холбогдох нэхэмжлэлийн загвар, мэдээллийг хүргэсэн юм.

 

 

Иргэдийн хувьд гэр бүл, зээлийн маргааны талаар ихэвчлэн асууж, зөвлөгөө авав.

 

 

Шүүхийн хэвлэл мэдээллийн хэлтэс

Нийтэлсэн admin   Үзсэн: 248   |   Сэтгэгдэл: 0
Хэвлэх
Төсөөтэй мэдээлэл:
Шүүхийн шийдвэрийн цахим сан

Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Арваннэгдүгээр сар 2021    »
ДаМяЛхаПүБаБямНям
1234567
891011121314
15161718192021
22232425262728
2930