Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
6-10-2015, 10:09   Хэсэг: Мэдээлэл   Сэтгэгдэл: 0  

Шүүхийн захиргааны ажилтны анхан шатны сургалт эхэллээ

Шүүхийн захиргааны ажилтны анхан шатны сургалт эхэллээ

Шүүхийн ерөнхий зөвлөлөөс Германы Олон Улсын Хамтын Ажиллагааны Нийгэмлэгийн "Эдийн засгийн тогтвортой хөгжлийн эрх зүйн орчинг баталгаажуулах төсөл”-тэй хамтран зохион байгуулж буй "Шүүхийн захиргааны ажилтны анхан шатны” гуравдугаар өнөөдөр эхэллээ. Сургалтад орон нутгийн болон нийслэл дэх шүүхийн нийт 50 захиргааны ажилтан оролцож байгаа бөгөөд энэхүү сургалт амжилттай зохион байгуулагдсанаар 2015 онд нийт 150 шүүхийн захиргааны шинэ ажилтан сургалтад хамрагдаж байна.

Шүүхийн захиргааны ажилтны анхан шатны сургалт эхэллээ

Сургалтын нээлтэд Шүүхийн ерөнхий зөвлөлийн Гүйцэтгэх нарийн бичгийн дарга, Т.Мэндсайхан, ГОУХАН-ийн төслийн ахлах мэргэжилтэн Б.Жавхлан, мэргэжилтэн Ц.Мөнх-Од нар оролцлоо. Шүүхийн ерөнхий зөвлөлийн Гүйцэтгэх нарийн бичгийн дарга Т.Мэндсайхан сургалтыг нээж хэлсэн үгэндээ: "Тус сургалтаар шүүхийн захиргааны ажилтнуудад хуулиар тогтоосон чиг үүргээ үр нөлөөтэй, хариуцлагатай, бүтээлчээр хэрэгжүүлэхэд шаардлагатай суурь мэдлэг, чадвар, хандлага төлөвшүүлэхийг зорьж байгаа”-г онцлоод "Шүүхийн ерөнхий зөвлөлөөс энэ жил энэхүү сургалтад онцгой анхааран, сургагч багш нарыг тусгайлан сонгон шалгаруулж бэлтгэн, сургалтын хөтөлбөрийг баталж, 3 ээлжээр цогц байдлаар зохион байгууллаа. Тиймээс та бүгдийн зүгээс сургалтад онцгой ач холбогдол өгч, өдөр тутмын ажил үүрэгтэйгээ сургалтын агуулгыг холбон, харилцан ярилцаж, дүгнэлт хийж идэвхи чармайлттай оролцоорой” гэв.

Шүүхийн захиргааны ажилтны анхан шатны сургалт эхэллээ

 

Германы ОУХАН-ийн төслийн мэргэжилтэн Б.Жавхлан: ХБНГУ-д шүүхийн захиргааны үйл ажиллагаа бие даасан мэргэжил болтлоо хөгжсөн байдаг бөгөөд төслийн зүгээс шүүхийн захиргааны мэргэшсэн ажилтан бэлтгэх тогтолцоо бүрдүүлэхэд дэмжлэг үзүүлж хамтран ажиллаж байгааг тэмдэглээд, энэсургалтыг Шүүхийн ерөнхий зөвлөлөөс улс орны санхүүгийн нөхцөл байдал хүнд байгаа ч гэсэн хөрөнгө санхүү гарган зохион байгуулж, манай зүгээс тодорхой хэмжээний санхүүгийн дэмжлэг үзүүлэн зохион байгуулж байгаа тул сургалтад идэвхитэй үр дүнтэй оролцохыг мөн хүслээ.

Шүүхийн захиргааны ажилтны анхан шатны сургалт эхэллээ

Тус сургалт нь"Шүүх эрх мэдэл ба шүүхийн захиргаа, шүүхийн захиргааны онцлог мөн чанар”,"Шүүхийн захиргааны ажилтны ёс зүй, хариуцлага”, "Шүүхийн захиргааны ажилтны харилцаа, хандлага”, "Шүүхийн баримтбичиг, түүний техник”, "Хэргийн хөдөлгөөний удирдлага, стантарт”, "Хэргийн хөдөлгөөний удирдлагын програм”, "Шүүхийн шийдвэр”, "Шүүх хуралдаанд бэлтгэх, түүний хэвийн үйл ажиллагааг хангах”, "Шүүхийн мэдээллийн технологи”, "Шүүхээс хэвлэл мэдээлэлтэй харилцах нь”, "Шүүхийн шийдвэр гардуулах” зэрэг 10 гаруй сэдвээр 2015 оны 10 дугаар сарын 15-ны өдрийг дуустал нийт 10 өдрийн турш үргэлжилнэ.

Шүүхийн захиргааны ажилтны анхан шатны сургалт эхэллээ
Шүүхийн захиргааны ажилтны анхан шатны сургалт эхэллээ

Шүүхийн захиргааны ажилтны анхан шатны сургалт эхэллээ

 

Шүүхийн хүний нөөцийн газар

Нийтэлсэн admin   Үзсэн: 619   |   Сэтгэгдэл: 0
Хэвлэх
Төсөөтэй мэдээлэл:
Авлигын талаарх гомдол мэдээлэл өгөх
Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Зургаадугаар сар 2022    »
ДаМяЛхаПүБаБямНям
 12345
6789101112
13141516171819
20212223242526
27282930