Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
2-05-2016, 08:43   Хэсэг: Мэдээлэл   Сэтгэгдэл: 0  

“Шүүгчийн ганцаарчилсан сургалт”-ын 2016 оны гуравдугаар ээлжийн сургалт амжилттай болж өндөрлөлөө


Шүүгчийн ганцаарчилсан сургалтын гуравдугаар ээлж 2016 оны 4-р сарын 18-наас 4-р сарын 22-ны өдрүүдэд амжилттай болж өндөрлөлөө. Гуравдугаар ээлжийн сургалтад Өвөрхангай аймаг дахь Захиргааны хэргийн анхан шатны шүүхийн шүүгч Б.Сугар, М.Мандахбаяр нар оролцлоо.

Энэ удаагийн сургалтаар эрх зүйн дүн шинжилгээ хийх арга зүй, хууль зүйн дүгнэлт гаргах, кейс, анализ хийх арга зүй, эрдэм шинжилгээ судалгааны ажил бичих ерөнхий аргачлал гэсэн сэдвийн хүрээнд онол практикийн мэдлэг, ур чадвараа дээшлүүлэн хууль зүйн шинжлэх ухааны сүүлийн үеийн ном зохиол, эрдэм шинжилгээний бүтээлүүдтэй танилцаж судалсан юм.



 

Ийнхүү сургалт амжилттай дуусаж сургалтын төгсгөлд сургалтад хамрагдсан шүүгч нар өөрсдийн сонирхсон чиглэлээр, ур чадвараа богино хугацаанд үр дүнтэй дээшлүүлсэнд сэтгэл хангалуун байгаагаа илэрхийлж, батламжаа гардан авснаар гуравдугаар ээлжийн ганцаарчилсан сургалт өндөрлөсөн юм.

Шүүхийн сургалт нь 2016 оны нэгдсэн төлөвлөгөөний дагуу 9 дүгээр сарын 23-ныг хүртэл үргэлжлэх бөгөөд сургалтад анхан болон давж заалдах шатны шүүхийн шүүгчид оролцоно.

Нийтэлсэн admin   Үзсэн: 551   |   Сэтгэгдэл: 0
Хэвлэх
Төсөөтэй мэдээлэл:
Авлигын талаарх гомдол мэдээлэл өгөх
Цаг агаар
Хандалт
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 
  |  
«    Зургаадугаар сар 2022    »
ДаМяЛхаПүБаБямНям
 12345
6789101112
13141516171819
20212223242526
27282930