Шүүгч хараат бус байж, гагцхүү хуульд захирагдана. Ерөнхийлөгч, Ерөнхий сайд, Улсын Их Хурлын ба Засгийн газрын гишүүн, төр, нам, олон нийтийн бусад байгууллагын албан тушаалтан, иргэн хэн боловч шүүгчээс шүүн таслах үүргээ хэрэгжүүлэхэд хөндлөнгөөс оролцож болохгүй. Шүүгчийн хараат бус, шүүхийн бие даасан байдлыг хангах зорилгоор Шүүхийн ерөнхий зөвлөл ажиллана. Шүүхийн ерөнхий зөвлөл шүүх, шүүгчийн шүүн таслах ажиллагаанд оролцохгүйгээр, гагцхүү хуульчдаас шүүгчийг шилж олох, эрх ашгийг нь хамгаалах зэрэг шүүхийг бие даан ажиллах нөхцөлөөр хангахтай холбогдсон үүргийг биелүүлнэ. Шүүхийн ерөнхий зөвлөлийн зохион байгуулалт, үйл ажиллагааны журмыг хуулиар тогтооно. / Монгол Улсын Үндсэн хуулийн 49 дүгээр зүйл/
16-11-2016, 19:41   Хэсэг: Мэдээлэл   Сэтгэгдэл: 0  

“Монголын шүүхийн ажилтны нэгдсэн холбоо”-ны Их хурал боллоо


"Монголын шүүхийн ажилтны нэгдсэн холбоо"-ны ээлжит бус их хурал өнгөрсөн бямба гаригт боллоо. Хуралдааны эхэнд "Шүүхийн ажилтны нэгдсэн холбоо”-ны тэргүүн Т.Мэндсайхан холбооны Удирдах, гүйцэтгэх зөвлөлийн бүрэлдэхүүнийг танилцуулсан юм. Удирдах зөвлөлийн нэг гишүүн ажлаасаа чөлөөлөгдсөн учраас оронд нь Г.Мэндбаярыг олонхийн саналаар сонголоо.

 

 

Удирдах зөвлөлийн гишүүд холбооны санхүү, гадаад харилцааны талаарх үйл ажиллагааны танилцуулгыг гишүүддээ хийсэн юм. "Монголын шүүхийн ажилтны нэгдсэн холбоо” нь дэлхийн 44 улсын гишүүнчлэлтэй "Олон улсын шүүхийн захиргааны ажилтнуудын холбоо”-нд гурван жилийн өмнө гишүүнээр элсчээ. "Олон улсын шүүхийн захиргааны ажилтнуудын холбоо”-ны бага хуралд хоёр жилийн өмнө манай төлөөлөгчид оролцсон аж. Олон улсын хурал, арга хэмжээнд оролцоход гадаад хэлний бэрхшээл байгааг гишүүдэд анхааруулсан юм. Энэ асуудал дээр шүүхийн захиргааны ажилтнуудыг хамруулсан вакумжуулсан сургалт зохион байгуулахыг холбооны гишүүд хүслээ.

 

 

Холбооныхоо үйл ажиллагааг өргөжүүлэх, ямар чиглэлд анхаарах вэ гэдэгт гишүүд саналаа хэлснээр хуралдаан үргэлжиллээ. Нийслэл, орон нутгийн шүүхийн захиргааны ажилтнуудад тулгамддаг асуудал өөр. Тиймээс захиргааны бүх ажилтны саналыг нэгтгэж байж холбооныхоо үйл ажиллагааны төлөвлөгөөг гаргах саналыг зарим гишүүн гаргасан юм. Нийслэл дэх захиргааны хэргийн анхан шатны шүүхийн Тамгын газрын дарга Н.Батхүү "Шүүхийн захиргааны ажилтнууд хуульчдын сургалтад суух цаг зав хомс байдаг. Тиймээс Шүүхийн ерөнхий зөвлөлд хуульчийн кредит цаг тооцуулах сургалт явуулаач” гэсэн юм. Шүүхийн захиргааны ажилтнуудын сургалтыг орон нутагт зохион байгуулж байх саналыг ч гишүүд гаргаж байлаа. Захиргааны ажилтнууд магистрын хөтөлбөрт сурахад ажлын чөлөө олгох тал дээр анхаарч, сурч байх хугацааны цалинг олгож байх хүсэлтийг мөн гаргалаа. Үүнээс гадна шүүхийн захиргааны ажилтнуудыг сэлгэн ажиллуулж, туршлага судлуулах санал гаргалаа.

 

 

Нийслэл дэх захиргааны хэргийн анхан шатны шүүхийн мэргэжилтэн Б.Уранзаяа "Хуульчийн эрх зүйн байдлын тухай хуулиар шүүхийн захиргааны ажилтнуудыг мэргэжлээрээ ажилласанд тооцдоггүй. Холбооноос уг хуульд нэмэлт, өөрчлөлт оруулах саналыг нэгтгэж хүргүүлэх, хуульчийн кредит цагийн сургалтын төлбөрийг хөнгөвчлүүлэх талаар Хуульчдын холбоотой ярьж өгөөч” гэв.

 

 

Шүүхийн захиргааны ажилтнууд тогтвор суурьшилтай ажиллах боломж хомс, ажиллах нөхцөл тааруу байгаа. Тогтвор суурьшилтай ажиллах боломжийг хангахын тулд цалинг нэмэгдүүлэх, хуульч мэргэжлээр ажилласанд тооцуулах талаар анхаарч ажиллах саналыг Орхон аймгийн шүүхийн Тамгын газрын дарга М.Ганчулуун гаргасан юм.

 

 

Ийнхүү шүүхийн захиргааны 26 ажилтан саналаа хэлсний дараа "Монголын шүүхийн ажилтны нэгдсэн холбоо”-ны тэргүүн Т.Мэндсайхан "Та бүхний саналыг сонслоо. Шүүхийн захиргааны ажилтнуудыг хуульчийн мэргэжлээр ажилласанд тооцуулах талаар хуульд нэмэлт өөрчлөлт оруулах уриалга, санал гаргах боломжтой. Харин шүүхийн захиргааны ажилтнууд хуульчаар ажилласанд тооцуулна гэдгийг буцаана гэж хэлж чадахгүй. Учир нь шүүхийн цус ойртлоо гэдэг шүүмжлэлийг шийдэхийн тулд одоо мөрдөж байгаа системд оруулсан. Шүүгч болоход зөвхөн шүүхийн захиргаанд ажилласан байх нь хангалттай биш. Прокурор, өмгөөлөгчөөр ажилласан байх ёстой. Гадны улс орнуудад ч ийм байдаг. Хуульчийн сургалтын кредит цагийн төлбөрийн талаар Хуульчдын нэгдсэн холбоотой ярилцана. Шүүхийн захиргааны ажилтнуудыг тогтвор суурьшилтай ажиллах, цалинг нэмэгдүүлэх талаар санаачилга яригдаж байгаа. Шүүгчдийн цалин баталгаажсан. Одоо шүүхийн захиргааны ажилтнуудын цалинг нэмэгдүүлэх талаар арга хэмжээ авах боломжтой. Шүүхийн захиргааны ажилтнуудад зориулсан орон нутгийн сургалтыг шүүхийн тамгын газруудын дэмжлэгтэй зохион байгуулъя” гэлээ.

 

 

Хуралдааны төгсгөлд гишүүдийн тухайн жилд төвлөрүүлсэн татварын 20 хүртлэх хувийг Удирдах зөвлөлийн шийдвэрээр гачигдалтай гишүүдэд тусламж хэлбэрээр олгохыг олонхиороо дэмжлээ. Мөн холбооны ажлын албаны зардалд сард 200 мянган төгрөг зарцуулж байх эрхийг гишүүд олгосон юм.


Мөн холбооны дүрмийг өөрчлөх ажлын хэсэг байгуулах санал гарснаар Ээлжит бус хуралдаан дууслаа.

 

 

Дашрамд дурьдахад, "Монголын шүүхийн ажилтны нэгдсэн холбоо” нь шүүхийн захиргааны ажилтнуудын эрх ашгийг хамгаалах, мэргэшүүлэх, шүүхийн менежментийг боловсронгуй болгох чиг, үүрэгтэйгээр 2010 онд байгуулагдсан түүхтэй.



Б.Цэцэгдэлгэр

Нийтэлсэн admin   Үзсэн: 893   |   Сэтгэгдэл: 0
Хэвлэх
Төсөөтэй мэдээлэл:
Мэдээлэл хайх булан
Иргэн таньд
Авлигын талаарх гомдол мэдээлэл өгөх
Шүүхийн ёс зүйн хороо
Шүүхэд мэдүүлэх эрх
Подкаст
Бидэнтэй нэгдээрэй
Санал асуулга
 

Ярилцлага

Та шүүхэд итгэдэг үү?

Тийм
Үгүй

 
 

Шүүхэд мэдүүлэх эрх

3.1.Монгол Улсын хууль, Монгол Улсын нэгдэн орсон олон улсын гэрээнд заасан хүний эрх, эрх чөлөө, хууль ёсны ашиг сонирхлоо зөрчигдсөн гэж үзэж байгаа аливаа этгээд уг эрхээ хамгаалуулахаар энэ хуульд заасан журмын дагуу шүүхэд нэхэмжлэл, хүсэлт, гомдол гаргах хэлбэрээр мэдүүлэх эрхтэй.

3.2.Энэ хуулийн 3.1-д заасан эрхийг хамгаалах талаархи нэхэмжлэл, хүсэлт, гомдлыг шүүхээс гадуур урьдчилан шийдвэрлэх өөр журмыг хуулиар тогтоож болно.

3.3.Хуулиар харьяаллыг нь тогтоогоогүй эрх зүйн маргааныг энэ хуульд заасан журмын дагуу шүүх хянан шийдвэрлэнэ.

Видео
 
  Шүүхүүд
  • Шүүхийн ерөнхий зөвлөл
  • Улсын дээд шүүхийн Тамгын газар
  • Нийслэлийн давж заалдах шатны шүүхийн Тамгын газар
  • Захиргааны хэргийн давж заалдах шатны шүүхийн Тамгын газар
  • Баянзүрх дүүргийн Иргэний хэргийн анхан шатны шүүхийн Тамгын газар
  • Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн Тамгын газар
  • Баянгол, Хан-Уул, Сонгинохайрхан дүүргийн Эрүүгийн хэргийн анхан шатны шүүхийн Тамгын газар
  • Баянгол, Хан-Уул дүүргийн Иргэний хэргийн анхан шатны шүүхийн Тамгын газар
  • Багахангай, Налайх дүүргийн шүүхийн Тамгын газар
  • Багануур дүүргийн шүүхийн Тамгын газар
  • Сүхбаатар, Чингэлтэй дүүргийн Иргэний хэргийн анхан шатны шүүхийн Тамгын газар
  • Сонгинохайрхан дүүргийн Иргэний хэргийн анхан шатны шүүхийн Тамгын газар
  • Нийслэл дэх Захиргааны хэргийн анхан шатны шүүхийн Тамгын газар
  • Архангай аймаг дахь шүүхийн Тамгын газар
  • Баян-Өлгий аймаг дахь шүүхийн Тамгын газар
  • Баянхонгор аймаг дахь шүүхийн Тамгын газар
  • Булган аймаг дахь шүүхийн Тамгын газар
  • Говь-Алтай аймаг дахь шүүхийн Тамгын газар
  • Говьсүмбэр аймаг дахь шүүхийн Тамгын газар
  • Дархан-Уул аймаг дахь давж заалдах шатны болон Захиргааны хэргийн анхан шатны шүүхийн Тамгын газар
  • Дархан-Уул аймаг дахь сум дундын шүүхийн Тамгын газар
  • Дорнод аймаг дахь шүүхийн Тамгын газар
  • Дорноговь аймаг дахь шүүхийн Тамгын газар
  • Дорноговь аймгийн Замын-Үүд сум дахь Сум дундын шүүхийн Тамгын газар
  • Дундговь аймаг дахь шүүхийн Тамгын газар
  • Завхан аймаг дахь шүүхийн Тамгын газар
  • Завхан аймгийн Тосонцэнгэл сум дахь Сум дундын шүүхийн Тамгын газар
  • Орхон аймаг дахь шүүхийн Тамгын газар
  • Өвөрхангай аймаг дахь шүүхийн Тамгын газар
  • Өвөрхангай аймгийн Хархорин сум дахь Сум дундын шүүхийн Тамгын газар
  •  
      |